坐的士回家途中第一次遇上車禍，當時我坐的的士停在黃肇枝中學斜對面的紅燈前，突然看到右上角有一紅色物體向我們方向滑過來，當時我和司機都反應不來，祗感到車身震了一下，同時聽到一聲巨響，向右一望，祗見到一輛雙層巴士傾斜了。當時的我太害怕，祗是呆了坐著，司機叫我不要離開車廂，他下車去看一下在我們前面停下來的紅色的士，祗見車頭已嚴重變型，車廂中間被嚴重撞擊過。過了一會兒，我才想起要打999，但一直打不通，司機說不用打，警察很快便會到。

同時看到紅色的士後座有乘客自行走出來，分別一男一女，兩人都受了傷，血流滿臉。旁邊的人都叫他們不要亂走，等救護車來。隨後亦看到有部份人從巴士中自行走出來，看到有3-4個穿著九巴的制服，另有少許乘客。

過了一會便看到警車、救護車、消防車紛紛到達，警車是第一時間到達控制現場環境，隨後救護車到逹後馬上觀看受傷司機情況，遠看祗看到消防員幫忙救司機出來，花了一點時後，終於把司機救出來後，便馬上送往醫院。

在這段時間有不少警員、消防員來向我們詢問是否有受傷及是否看到事發經過、以及登記。

過了一會、警員說我可以離開，司機便再三向我叮囑，如這兩天感到不舒服，一定要馬上去看急證，並且沒有向我收取車資便叫我走。我真的應該再三感謝這位司機，並希望這次事故受傷的人早日康復！

2009 係我最迷失方向既一年，越來越唔知道自己想要乜，到底我現在做既係唔係我想要既野？ 我做咁多野又係為左乜？

睇完AVATAR 後，真係好渴望可以去到一個可以同大自然共相處既地方，人類不斷耗用大自然的資源，見到大樹倒下的情景真係好心疼，戰爭亦都係最可怕既事！

今日終於清哂放左兩日假既工作，正常運作啦！每次放完假都要咁辛苦！唉......

晚上同Kiko & 佢既舊同事去了楊屋道打壁球，我印象中有打過一次，不過當時覺得太辛苦就唔打，現在感覺又好似冇咁辛苦。

雖然好多時間都係打空氣，再唔係就狂執波，但都幾好玩，最搞笑係中間我用個拍去接個波時，打完唔見左個波，我地三個係咁周圍望，仲以為打左上天花板，後來先比Kiko見到個波攝左入去我個球拍中間個窿到，真係冇諗過咁都可以攝到入去，好搞笑！

終於等到今日，用了年半時間總算完成了一個目標，由最初猶疑是否要開始，到今日完成了的感覺真係好好，雖然我到最後都沒有盡全力去做到最好，但能夠完成真係好開心！   完結就是新的開始，要向下一個目標出發！

從小到大我都沒有認真去完成一件事，很多時候我都係半途而廢，就好像玩遊戲機一樣，永遠係最後一刻獲得勝利時，我就放棄。

其實我係最怕失敗的人，不敢努力認真做！

有時會想......定下的目標完成後，我又到底想做甚麼呢？最終我要的又是甚麼？

為什麼我經常迷失方向？

為左考試我又請假，難得一日當然要訓晏少少，10:30起身後同媽媽去左街市食早餐，打算食完就上圖書館溫書，點知食完係度飲奶茶時，突然撻Q，倒瀉左，當時我完全呆左冇反應，旁邊個阿叔係咁叫我起身，我都仲係呆左望住個袋，因為我個袋放左係我大臂上，個袋就咁飲哂杯奶茶。

旁邊既嬸嬸就拉我去沖身，其實個一刻我想救左個袋先，之後叫媽媽幫我拎哂d野出來，電話就有少少濕，好彩有個套，但條電話繩、外套….每樣野都濕左少少，最慘係我個銀包同個袋！飲左奶茶既銀包點用呀？

搞到咁唯有回家先，洗哂所有野用左差不多一個鐘既時間，仲要報銷埋條褲，但後來我發現洗完既銀包走左樣，好似唔多用得咁，今次真係損失慘重，希望個袋洗完仲用得啦！

下午回圖書館溫書時又發現唔記得帶鎖匙出來，點解會咁黑？不過有個藉口，冇得返屋企，要等到屋企有人返先可以走啦！

今日個自修室又係超爆多人，d人真係好勤力，點似我？我仲要狂訓著左，唔知溫左d乜囉！